Padlangs deur Suid-Afrika

Padlangs deur Suid-Afrika: 'n Streek-vir-Streek-Reisgids is meer as net 'n reisgids; dit is 'n omvattende handboek van die land wat insig gee in die talle nasionale skatte wat oral in Suid-Afrika aangetref word - van dinamiese stede tot bekoorlike plattelandse dorpe en gehuggies met 'n ryke geskiedenis. Hierdie boek is die ideale reisgenoot: dit verskaf goeie advies oor die beste roetes en bevat alles wat vakansiegangers moet weet wanneer hulle hul volgende vakansie beplan. Volkleurfoto's en 'n interessante kombinasie van sypanele sal reisigers inspireer om die teer- en gruispaaie van Suid-Afrika aan te durf en die talle interessante hoekies en gaatjies van ons besonder diverse land te verken. Elke hoofstuk gee 'n oorsig van 'n streek se klimaat, flora en fauna, en geskiedenis en erfenis, en vestig die aandag op die belangrikste plekke. Idees vir wat om op elke plek te doen word in hooftrekke beskryf, en so ook die belangrikste aktiwiteite, roetes en voetslaanpaaie. Daar is iets vir almal - van warmlugballonvlugte tot witwatervlotvaart, 4x4-roetes tot wandelings in die platteland, spelonkery tot museumbesoeke, en feeste tot argitektuur.
Spesiaal aangepaste volkleurkaarte in elk van die 29 hoofstukke toon nasionale, sekondere en grondpaaie, tolpaaie, passe, wildreservate, nasionale parke en natuurreservate, asook plekke van belang om jou te help om jou reis te beplan. 'n Afsonderlike 46-bladsy-padgids en 12 stadsplanne voltooi die nuttige kartografiese seksie.