Die Blumenpflückerin

Wornung vor’n Büachl

Ih hob holt ah mein’ eig’nen Stül,
wer den net mog und den net wüll,
der schau ins Büachl gor net eini,
weil do dasport ar sih dameni*!
Der les nix hint und nix vorau’,
so stößt ar sih am Stül net au’.
Nau, bittdihgorsche’, der hot’s leicht,
den wird bein Lesn koa Augn net feucht,
der braucht bei koaner Point’ net locha –
kaunn sih’s Theater – sölber mocha ...
* eine Meng